قصتنا

كل شي بدأ بسؤال بسيط: ليش ما تكون عندنا نظارة تشبهنا؟ نظارة تلبسها وتحس إنها من الديرة، مو مجرد إكسسوار يحميك من الشمس. من هالسؤال طلعت KUWARA.

شعارنا خريطة الكويت، مرسومة بخط واحد من أوله لآخره. وهذي علاقتنا بالديرة: خط واحد، ما ينقطع ولا يتغير.

نظاراتنا ما تاخذ أرقام موديلات. تاخذ أسامي من ذاكرة الكويت: فجري من غناوي البحّارة وهم راجعين من الغوص، وموج من رجعة البحر للساحل. وكل نظارة جاية، بتحمل معاها حكاية كويتية جديدة.

نظارة تفتخر فيها وانت لابسها، وخدمة تحس فيها إنك بين أهلك. من أول ما تطلب، لين ما توصلك عند بابك.